Down Syndrome Kosova për ngritjen e dinjiteti të personave me sindromin Down

Presidenti Sejdiu priti drejtuesit e shoqatës "Down Syndrome Kosova"

Prishtinë 29.01.2009, Presidenti i Republikës së Kosovës, dr. Fatmir Sejdiu priti sot drejtuesit e shoqatës "Down Syndrome Kosova", z. Driton Bajaktari, drejtor, znj. Sebahate Beqiri, zëvendësdrejtoreshë, znj. Gjylfidane Rraci, koordinatore për Komunën e Gjakovës dhe Leonora Shabani, udhëheqëse e Grupit Mbështetës të Prindërve – GMP.

Në takim u diskutua për domosdoshmërinë e ngritjes së nivelit të vetëdijes së prindërve, familjarëve, institucioneve dhe shoqërisë në përgjithësi për personat e prekur me sindromën Down, si dhe për krijimin e mundësive të bashkëpunimit më të qëndrueshëm dhe afatgjatë në mes institucioneve të vendit dhe OJQ-ve që merren me çështje të personave me aftësi të kufizuara. Presidenti Sejdiu theksoi se do të bëjë gjithçka që është e mundur, në mënyrë që personat e prekur nga sindromi Down, po edhe kategoritë e tjera të personave me aftësi të kufizuara të kenë kujdesin e nevojshëm institucional. Ndërsa, drejtuesit e shoqatës "Down Syndrome Kosova", pohuan se ofrimi i shërbimeve shëndetësore profesionale, përfshirja në sistemin edukativo-arsimor të hershëm, shkollimi fillor dhe i mesëm dhe krijimi i mundësisë për punësim integrues të këtyre personave janë disa nga çështjet kryesore që duhet t'i marrin parasysh institucionet përkatëse të Kosovës, si në nivel qendror, ashtu edhe në atë lokal.faqja zyrtare e presidencës

Eliza Hoxha & Etno Engjujt - Unë Jam Si Ti!